25-қазан Республика күніне орай оқушылар арасында «Тәуелсіз елдің ұландары» атты тақырыпта толағай спорттық сайысы 8-9 сыныптар аралығында ұйымдастырылды. «Толағай» спорттық сайысы  оқушылардың   атсалысуымен  өтетін  тәрбиелік  маңызы  зор  ойын – сауықты  бағдарламалардың  бірі.   Сайысымыздың шарттары бойынша қорытынды шығарылып,  жеңімпаздар  анықталып   «Болашақ»  тобы жеңіске жетіп марапатталды. Мақсаты:  Оқушыларға спорттық ойындарды ойната  отырып, спортқа деген қызығушылықтарын

Баскетболдан 2009-2010 жылғы туылған жасөспірім ұлдар мен қыздар арасындағы Алматы облысының чемпионатында  мектебіміздің 8-сынып оқушысы Бауыржанұлы Әлімжан аудандық құрама командада ойнап, ІІ орынды иеленді.

    Мектеп оқушылары арасында " Қайшыбай Әбіләкімұлын" еске алуға арналған шағын футболдан ашық аудандық турнир өткізілді. Турнир нәтижесі бойынша І орынды Береке орта мектебі,  ІІ орынды Ақкөл орта мектебі,  ІІІ орынды Топар орта мектебі иеленді. Жарыс нәтижесі бойынша жеңген командалар мен қатысқан командаларға Әбіләкімов Асхат Қайшыбайұлының демеушілігімен кубок, медаль, мақтау қағаздары, статуеткалар және заттай сыйлықтар табыс етілді.    

Баскетболдан Балқаш ауданының чемпионатында мектебіміздің оқушылары жеңімпаз атанып, 1 орынды иеленді. Құттықтаймыз!!! Алға Ақкөл!

     Аудандық қазақ күресінен оқушылар арасында өткен Балқаш ауданының чемпионатына мектебімізден 7 оқушы қатысып, 5 оқушы жүлделі 3 орынды иеленді. Құттықтаймыз! Оқушыларымызға келесі спорттық сайыстарда сәттілік тілейміз.

    Шағын футболдан 2009-2011 жылғы жасөспірімдер арасында өткен Балқаш ауданының чемпионатында "АҚКӨЛ " ұлдар командасы І орынға ие болды. 

Балқаш ауданы 2009-2010 жылғы мектеп оқушыларының арасында шағын футболдан өткен жарыста Ақкөл орта мектебінің командасы бірінші орын алды. Жеңіс құтты болсын! Команда қақпашысы Сапарқұл Нұрбек “Үздік қақпашы” атанды.